Dagmar Ásmundsdóttir, sem tekur þátt í Stjörnuþjálfun, geislar af hamingju þessa dagana og þakkar leikfiminni og breyttu mataræði. Í nýjustu bloggfærslu sinni segir hún frá nýja lífinu sem hún kann afar vel við.

„Ég hef talað áður um vítamínin sem ég er að taka frá Lifestream og ég er alveg handviss um að þau eru að hjálpa mér alveg heilan helling eins og CC Flax sem er úr muldum hörfræjum og trönuberjafræjum. Þetta gerir helling eins og að hjálpa til við vökva- og fitusöfnun. HALLÓ hver vill ekki svoleiðis hjálparhellu sem er líka 100% lífræn. Allavega á meðan mér gengur svona vel verður þetta partur af programmet.“

Dagmar segir að mánudagar séu nýju uppáhaldsdagarnir sínir.

„Núna eru föstudagar ekki lengur uppáhalds heldur hafa mánudagarnir tekið við, þá anda ég léttar og finnst auðveldara að borða minna og fara í ræktina, vera í rútínu sem heldur manni við efnið.
Ég er alveg viss um að þegar þessum vikum í stjörnuformi lýkur mun ég vera rosa dugleg og alveg pottþétt halda áfram í Hreyfingu, er alveg að elska hvað allir eru næs þarna.

Á fimmtudögum förum við stelpurnar alltaf á Krúsku eftir æfingu og ég hlakka til alla vikuna því maturinn er alveg guðdómlegur, bara það að fá sér salat er engu líkt, þvílík veisla á disknum og súpurnar sjúklegar. Staðurinn er á Suðurlandsbraut 12 og ég mæli 100% með honum.“

HÉR er hægt að lesa bloggið hennar.

Dagmar Ásmundsdóttir. mbl.is/Golli