Stjörnuþjálfaði kroppurinn, Dagmar Ásmundsdóttir, hefur náð sérlega góðum árangri í lífsstílsbreytingunni. Hún segist vera hissa í hvert skipti sem hún stígi á vigtina því hún sýni alltaf lægri og lægri tölu.

„Ég er að springa úr hamingju með þetta. Það eru 10 kíló farin af mér,“ segir Dagmar á bloggi sínu.

„Ég hef haldið mig við 1500 hitaeiningar á dag og fæ mér alltaf eitthvað á 2-3 tíma fresti. Ég borða mikið af kjúlla og tortillur eru góðar sama hverju þeim er rúllað upp með."

„Um helgina gerði ég salatið sem Valentína á Krúsku gerði og Marta póstaði á Smartlandi og... mmmmmm... þetta er svo sjúklega gott. Þið verðið að prófa,“ segir Dagmar.

HÉR er hægt að lesa bloggsíðu Dagmar. HÉR er uppskriftin af salatinu hennar Valentínu á Krúsku.

Dagmar Ásmundsdóttir. Golli / Kjartan Þorbjörnsson