Haust/vetur 2013-2014 hátískulína frá Christian Dior var fumsýnd í París í gær.

Hönnuður línunnar, Raf Simons, þótti standa undir væntingum en þetta er þriðja hátískulínan sem Simons hannar fyrir Dior.

Á tískupallinum í gær mátti sjá fjölbreyttar og einstaklega glæsilegar flíkur. Kvenlegir hlýralausir kjólar voru áberandi í dökkum litum. Simons virðist reyndar hafa fengið innblástur úr litaskalanum eins og hann leggur sig en appelsínuguli liturinn vakti eftirtekt við gráan og drungalegan bakgrunninn.

Að sjálfsögðu létu nokkrar helstu tískufyrirmyndirnar sjá sig á sýningunni en Jennifer Lawrence, Marion Cotillard og Anna dello Russo voru meðal þeirra sem prýddu fremsta áhorfendabekkinn.