Sýnishorn úr nýrri mynd með leikaranum eftirsótta Ryan Gosling hefur nú verið birt á YouTube en myndin er sögð gríðarlega ofbeldisfull.

Kvikmyndin Only God Forgives fjallar um ungan mann að nafni Julian. Julian er eiturlyfjasmyglari sem lifir og hrærist í stórborginni Bangkok. Þegar bróðir Julians er drepinn krefst móðir hans þess að hann finni morðingjann.

Leikstjóri myndarinnar er Nicolas Winding Refn en hann er þekktur fyrir að hafa leikstýrt stórmyndinni Drive.

Only God Forgives kemur í kvikmyndahús á Íslandi í lok júlí.