Helstu leikarar og aðstandendur kvikmyndarinnar Everest undirbúa sig nú fyrir að ganga rauða dregilinn á opnunarhátíð kvikmyndahátíðarinnar í Feneyjum.

Leikstjóri kvikmyndarinnar er að sjálfsögðu Baltasar Kormákur og mætti hann ásamt fríðu föruneyti í svokallaða formyndatöku þar sem pressunni gafst tækifæri til að að festa stjörnurnar á filmu eins og sjá má hér að ofan. Hinn eiginlegi rauði dregill verður hinsvegar ekki genginn fyrr en um 16:30 á íslenskum tíma en þá hefst bein útsending Ríkisútvarpsins frá viðburðinum.

mbl.is hefur tekið saman helstu dóma sem birst hafa um kvikmyndina og má lesa þá með því að smella á tengilinn hér að neðan. 

„Fegurð er fyrir aumingja“

Jake Gyllenhaal mætti á leigubát í myndatökuna. AFP

Jake Gyllenhaal ásamt ástralska leikaranum Jason Clarke. AFP

Baltasar Kormákur horfir íbygginn í myndavélina.

Emily Watson kom einnig á leigubát til myndatökunnar. AFP

Hún hafði nóg af tiltækum herramönnum til að aðstoða sig við að stíga úr bátnum, hvort sem hún þurfti þá eða ekki. AFP

Helstu aðstanendur kvikmyndarinnar stilla sér upp saman. AFP

Gyllenhal og Baltasar voru kampakátir. AFP

Jason Clarke leikur leiðsögumanninn Rob Hall í kvikmyndinni.

Josh Brolin kann á andarstútinn. AFP