Þorsteinn Már Baldvinsson, forstjóri Samherja, boðar aðgerðir vegna rannsóknar á hendur Samherja sem ákæruvaldið felldi niður í september. Fyrirtækið muni þó ekki reyna að sækja fjárhagslegar bætur.

Samkvæmt heimildum Morgunblaðsins eru aðrir aðilar sem verið hafa til rannsóknar vegna meintra brota á reglunum að íhuga skaðabótamál vegna rannsóknarinnar.

Fram kemur í Morgunblaðinu í dag að innan Seðlabankans var ekki fullvissa um hvort lögáskilið samþykki ráðherra væri fyrir hendi á reglum um gjaldeyrismál. Í ljós kom að svo var ekki og veittu reglurnar því ekki gildar refsiheimildir, að því er fram kemur í fréttaskýringu um þetta efni í Morgunblaðinu í dag.