Bjarni Benediktsson var endurkjörinn formaður Sjálfstæðisflokksins á landsfundi rétt í þessu. Bjarni hlaut 753 atkvæði; 96% gildra atkvæða. Alls greiddu 799 atkvæði en auðir seðlar voru 15. Bjarni var einn í framboði.

Fréttin verður uppfærð með niðurstöðum í kjöri um varaformann og ritara.

Uppfært kl. 16.08:

Ólöf Nordal hefur verið kjörin varaformaður flokksins með 771 atkvæði af 816. Auðir seðlar voru 19.

Uppfært kl. 16.48:

Áslaug Arna Sigurbjörnsdóttir var rétt í þessu kjörin ritari. Hlaut hún 668 atkvæði af 783. Guðlaugur Þór Þórðarson, sem dró framboð sitt tilbaka, hlaut 49 atkvæði en 56 seðlar voru auðir.