Ef það er eitthvað sem kveikir í þeirri sem hér skrifar þá eru það góðar hugmyndir, litir, form og hvernig pláss er nýtt á sem bestan hátt. Í þessari pínulitlu íbúð sem er staðsett í Taipei í Taiwan hefur kærustupar hreiðrað um sig. 

Þar sem íbúðin er langt frá því að vera 500 fm að stærð þurfti að hugsa út í hvert smáatriði. Í íbúðinni er svefnloft og er það staðsett yfir baðherbergi og gangi. Eldhúsið er ekki stórt og er plássið undir stiganum nýtt sem eldhússkápar. 

Parið fékk hönnunarstofuna KC Design Studio til að hanna íbúðina og koma með hugmyndir hvernig mætti nýta plássið sem best. Í stofunni er heill skápaveggur sem nýtist vel fyrir allskonar dótarí sem safnast upp á heimilum. Skáphurðirnar eru smart og setja svip sinn á íbúðina.

Í íbúðinni þarf líka pláss fyrir öll leikföngin en parið sem býr í íbúðinni eru bæði hönnuðir og safna leikföngum í frístundum. Þeim tekst einhvern veginn að koma dótinu fyrir án þess að fólk hafi á tilfinningunni að það sé að ganga inn í risastórt barnaherbergi. 

Stofan er einföld en samt svo smart. Sjö speglar á veggnum búa til góða stemningu. Ljósmynd/Sam Siew Shien

Klæðningin á veggnum í stofunni er forvitnileg. Ljósmynd/Sam Siew Shien

Skápaklæðningin á veggnum er ótrúlega vel heppnuð. Ljósmynd/Sam Siew Shien

Hér sést glitta í flísarnar á baðherberginu og horft er fram á gang. Hér er hver fermeter nýttur. Ljósmynd/Sam Siew Shien

Hér sést vel hversu vel plássið er nýtt. Hér sést eldhúskrókurinn. Ljósmynd/Sam Siew Shien

Horft niður í stofuna. Ljósmynd/Sam Siew Shien

Í íbúðinni er svefnloft. Ljósmynd/Sam Siew Shien

Horft upp á svefnloftið. Ljósmynd/Sam Siew Shien

Baðherbergið er ekki stórt en smekklegt. Ljósmynd/Sam Siew Shien

Horft inn ganginn. Ljósmynd/Sam Siew Shien