Tískustraumar framtíðarinnar í húsnæðismálum verða pottþétt að búa smátt eða smærra en við gerum í dag. Þess vegna er ekki úr vegi að skoða hvernig hægt er að gera litlar íbúðir vistlegar og heillandi án þess að fólk fái innilokunarkennd í öllu draslinu.

POSITION Collective hönnuðu sniðuga íbúð í Búdapest í Ungverjalandi. Ljósir litir eru áberandi í íbúðinni og hver fermeter er nýttur til fulls. Hinn mínimalíski lífsstíll er í hávegum hafðu í þessari íbúð og er ekkert óþarfa prjál að þvælast fyrir.

Þeir sem hafa tileinkað sér að eyða minni peningum, losa sig við dót og einfalda líf sitt vita að við þurfum ekki allt þetta dót til að vera raunverulega hamingjusöm. Það er þó annað sem skiptir meira máli og það er að skipuleggja hið smáa og mínimalíska heimili þannig að það fari vel um alla og það sé ekkert sem truflar fegurðarskynið.

Baðherbergið er flísalagt með hvítum flísum. Ljósmynd/Balázs Glódi

Sniðugar lausnir eru á færibandi í þessari íbúð. Takið eftir tréveggnum og hvernig hann er nýttur. Ljósmynd/Balázs Glódi

Í eldhúsinu er lítið borð og fyrir ofan það eru nokkur ljós sem búa til góða stemingu. Ljósmynd/Balázs Glódi

Eldhúsið er með hvítri sprautulakkaðri innréttingu að hluta til. Ljósmynd/Balázs Glódi

Þessi tréveggur er sniðugur. Ljósmynd/Balázs Glódi

Svona er skiptingin á þessu. Ljósmynd/Balázs Glódi