Heimili | 13. maí 2016

Innlit í fúnkishús á Seltjarnarnesi

Berglind Berndsen innanhússarkitekt FHI hannaði þetta glæsilega hús sem staðsett er á Seltjarnarnesi. Húsið sjálft er teiknað af Kjartani Sveinssyni. Fúnkisstíllinn ræður ríkjum í húsinu og voru eigendur og innanhússarkitekt sammála um að halda þyrfti í stíl hússins.

Innlit í fúnkishús á Seltjarnarnesi

Heimili | 13. maí 2016

Hillurnar eru teiknaðar af Berglindi Berndsen. Ljósmynd/Gunnar Sverrisson

„Ég ákvað að blanda saman svörtum sprautulökkuðum eikarinnréttingum ásamt hvítsprautuðum skápum, sem okkur fannst passa mjög vel við fúnkisstíl hússins. Fyrir breytingar var eldhúsið þröngt L-laga og lokað var inn í borðstofu. Vinnuplássið var lítið, með litlum borðkrók sem olli því að afgangurinn af plássinu var dautt rými,“ segir Berglind.

Hún segir að bæði henni og eigendum hússins hafi fundist skipta miklu máli að eldhúsið væri rúmgott og með miklu skápaplássi þar sem borðstofan er hluti af eldhúsinu.

„Húsgögn og ljós voru svo valin í samræmi við stíl hússins auk þess sem eigendur áttu mikið af fallegum fylgihlutum í anda þeirrar stemmningar sem verið var að leitast eftir. Lýsingin skipti einnig miklu máli við hönnunina en leitast var við að hafa góða vinnulýsingu ásamt fallegri stemmningslýsingu í allri íbúðinni.

Baðherberginu var einnig breytt mjög mikið. Það var áður mjög þröngt og nýttist illa.

Fjölskyldan er stór og var því mikilvægt að hanna rúmgott baðherbergi með stórri innréttingu sem nýttist vel fyrir alla fjölskyldumeðlimi.“ segir Berglind.

Hvaðan er innréttingin? Innréttingin er sérsmíðuð af

Jóhanni Arnarsyni í KJK

Borðplatan? Marmaraplata frá Granítsteinum

Tækin? Siemens frá Smith og Norland

Gólfefni? Hvíttuð, reykt eik frá Agli Árnasyni

Gólfmottan? IKEA

Sófi, stofuborð, skrifborð? Hay frá Epal

Svörtu ljóskastararnir? Svartir sívalingar frá Lúmex

Ljósið yfir borðstofuborðinu? Svart OCTO ljós frá Módern

Borðstofuborðið? Eikarborð frá Habitat