Anna Sigurlaug Pálsdóttir, eiginkona Sigmundar Davíðs Gunnlaugssonar, hefur sett glæsilegt einbýlishús sitt á sölu sem stendur við Ystasel í Breiðholti. Anna Sigurlaug festi kaup á húsinu árið 2011 og þau hjónin bjuggu þar þangað til á síðasta ári þegar þau fluttu í Skrúðás 7 í Garðabæ, en það hús er í eigu foreldra hennar. 

Húsið við Ystasel er ákaflega fallegt og vandað. Hvítar sprautulakkaðar innréttingar ráða ríkjum í húsinu og á gólfunum er parket með fiskibeinamunstri að stórum hluta. Það setur svo sannarlega svip á heildarmyndina. 

Innréttingin er hvít sprautulökkuð með gripum eins og það er kallað.

Búið er að taka garðinn allan í gegn og endurskipuleggja hann með tilheyrandi hellulögn og pöllum. Húsið er barnvænt og huggulegt í alla staði. 

Húsið er byggt 1979 og er 270 fm að stærð. HÉR er hægt að skoða það nánar. 

Eldhúsið státar af fínasta skápaplássi.

Eldhúsið er opið inn í stofuna.

Glerhurðin setu svip á rýmið.

Fiskibeinamunstrið í parketinu kemur vel út.

Húsið er glæsilegt að utan. Allt hvítmálað og mikill metnaður hefur verið lagður í garðinn fyrir utan húsið.

Hér sést garðurinn betur.

Pallarnir í garðinum koma vel út.

Baðherbergið er flísalagt að hluta til með svörtum náttúruflísum.

Hjónaherbergið er með hvítum skápum.

Á baðherberginu er hvít innrétting og svartar náttúruflísar á gólfinu.

Hér sjást pallarnir fyrir utan húsið nánar.