Eiginkonur, kærustur og unnustur landsliðsmanna í knattspyrnu eru með fokdýran smekk ef marka má töskuval þeirra. Margar af þeim eiga töskur frá Chanel en þær kosta um hálfa milljón eða meira stykkið. 

Pattra S. eiginkona Theódórs Elmars Bjarnasonar er tískubloggari á Trendnet. Pattra er alltaf með nýjustu strauma og stefnur á hreinu. Hún skartaði svartri bólstraðri Chanel-tösku í Nice í Frakklandi. 

Fitnessdrottningin Kristbjörg Jónasdóttir, kærasta Arons Einars Gunnarssonar, á Boy Bag frá Chanel. Sú taska hefur verið ákaflega áberandi hjá bloggurum og áhrifakonum í tískuheiminum. 

Á myndinni hér fyrir neðan er hún í gallabuxum frá JÖR við og svartri rúllukragapeysu. 

Alexandra Helga Ívarsdóttir, kærasta Gylfa Sigurðssonar, er ákaflega hrifin af Chanel. Hún mætti með eina rauða á leikinn sem fór vel við bláu landsliðstreyjuna og svo á hún eina svarta líka sem hún hefur verið dugleg að nota. Alexandra Helga var þó ekki alltaf í bláu treyjunni heldur var stundum í hvítu. Að sjálfsögðu stendur G. Sigurðsson aftan á treyjunni hennar.