Pilturinn sem Justin Bieber kýldi með þeim afleiðingum að vör hans sprakk er undir lögaldri, en samkvæmt frétt Mirror er hann ekki viss hvort hann muni leggja fram kæru.

Atvikið átti sér stað í gærkvöldi fyrir utan Palau Sant Jordi-höllina, Barcelona, þar sem tónleikar söngvarans fóru fram.

Frétt mbl.is: Bieber kýldi aðdáanda

Aðdáandinn hafði teygt hönd sína inn í bíl sem Bieber var farþegi í, en söngvarinn brást við með því að kýla piltinn í framan.

„Litið er á atvikið sem smávægilegt brot, en ekki glæp,“ sagði talsmaður lögreglunnar í morgun.

„Við erum því ekki að rannsaka málið. Sá sem varð fyrir högginu þarf að leggja fram kvörtun ef hann vill að málið fari lengra.“