Máli Geirmundar Kristinssonar, fyrrverandi sparisjóðsstjóra Sparisjóðsins í Keflavík, hefur verið áfrýjað af ríkissaksóknara. Geirmundur var sýknaður 4. nóvember af ákæru um umboðssvik, en ákæruvaldið hafði farið fram á fjögurra ára fangelsisrefsingu yfir Geirmundi.

Geir­mund­ur var ákærður fyr­ir umboðssvik með því að hafa mis­notað aðstöðu sína hjá spari­sjóðnum með lán­veit­ing­um til einka­hluta­fé­laga. Fjár­hæðirn­ar í ákær­unni nema tæp­um átta hundruð millj­ón­um króna. 

Í ákæru sagði að Geir­mund­ur hefði stefnt fé spari­sjóðsins í veru­lega hættu þegar hann fór út fyr­ir heim­ild­ir til lán­veit­inga með því að veita einka­hluta­fé­lag­inu Duggi 100 millj­óna króna yf­ir­drátt­ar­lán 16. júní 2008. Afstaða lána­nefnd­ar lá ekki fyr­ir og áhættu- og greiðslu­mat fór ekki fram. Þá var end­ur­greiðslan ekki tryggð með nokkr­um hætti.

Sem fyrr seg­ir var Geir­mund­ur sýknaður í héraðsdómi.

Geirmundur Kristinsson, fyrrverandi sparisjóðsstjóri SpKef. mbl.is/Sverrir