„Ég ákvað að fara á námskeiðið Hreint mataræði til að vinna bug á bólgum og liðverkjum í líkamanum og athuga hvort mér tækist að bæta svefninn. Ég var komin með svo mikið meira en nóg af daglegri vanlíðan og verkjum að ég gat varla beðið eftir að byrja. Að auki átti ég mér þann draum að léttast eitthvað í leiðinni.

Ég fann að ég þurfti á hvatningu að halda til að gera breytingar á mataræðinu, því ég var farin að hjakka svo mikið í sama farinu. Mér fannst líka kominn tími til að hægja aðeins á mér, því maður er alltaf á svo miklu spani, og gera eitthvað uppbyggjandi fyrir mig.”

Konan segist hafa fundið mikinn mun eftir fyrstu vikuna. 

„Ég hafði fylgt ráðum Guðrúnar um að fara semma að sofa og svaf reyndar meira en vanalega. Kannski var það vegna þess að mér fannst ég allt í einu hvílast betur og ég var ekki að vakna eins oft á nóttunni. Það var alveg dásamlegt. Vikulegu fundirnir með Guðrúnu og daglegir póstar hennar í Facebook-hópnum okkar hafa verið svo hvetjandi. Ég skil líka betur núna af hverju fólk ákveður að fara á námskeið til að fara í gegnum svona hreinsikúr. Stuðningurinn frá öðrum í hópnum skiptir svo miklu máli.

Á fundum og á Facebook höfum við haft tækifæri til að skiptast á skoðunum, deila uppskriftum, hvetja hvert annað áfram og leiðbeina með það hvar vörurnar sem við erum að nota fást – og svo auðvitað deila myndum af því sem við erum að elda. Þessi stuðningur hefur skipt alveg ótrúlega miklu máli,“ segir hún. 

Hvað græddir þú á þessu námskeiði?

„Ávinningurinn af þessu námskeið hefur ekki valdið mér vonbrigðum. Á 18. degi (og ég á enn þrjá daga eftir) hafði dregið verulega úr bólgum í fótum og við hnén, ég er öll léttari á mér, exemið að hverfa úr hársverðinum og svo brosti ég bara út að eyrum eftir að hafa séð nýjar tölur á baðvigtinni – því ég hafði lést um 10 kíló. Ég finn að þetta mataræði gerir mér svo gott að ég ætla að fylgja því í meginatriðum áfram eftir að hreinsun lýkur – og til að ná meiri árangri hef ég skráð mig aftur á næsta námskeið hjá Guðrúnu, sem verður í október,“ segir hún.