Innanhússarkitektinn Hanna Stína hannaði fagurt raðhús í Fossvogi í Reykjavík í fyrra. Eldhúsið setur svip sinn á húsið en í því eru gráar viðarinnréttingar sem eru sérsmíðaðar. Hanna Stína hannaði allar innréttingar í húsinu, eldhús, baðherbergi og forstofu. 

Húsið er á tveimur hæðum en á efri hæð er eldhús og stofa í sameiginlegu rými. Stíllinn á heimilinu er ákaflega fallegur en vandað var til verka þegar húsið var endurnýjað nýlega. 

Viðurinn í innréttingunum er bæsuð gráeik. Hún er notuð í eldhúsið, inn á bað og í forstofuna. Allar innréttingar eru sérsmíðaðar af Grindinni. Í eldhúsinu er marmari frá Fígaró. 

Af fasteignavef mbl.is: Kúrland 27