Ingólf­ur Hauks­son, for­stjóri Glitn­is HoldCo, segir að verið sé að skoða hvort máli þrotabúsins gegn fjölmiðlunum Stundinni og Reykjavík Media verði áfrýjað til Hæstaréttar.

Lands­rétt­ur hafnaði 5. október kröfu Glitn­is HoldCo um staðfest­ingu lög­banns sem sýslumaður­inn á höfuðborg­ar­svæðinu hafði lagt á um­fjöll­un Stund­ar­inn­ar og Reykjavík Media sem byggð er á gögn­um frá Glitni banka. Lands­rétt­ur staðfesti þar með dóm Héraðsdóms Reykja­vík­ur sem hafði kom­ist að sömu niður­stöðu.

Ingólfur bætir við að ákvörðun liggi ekki fyrir.

Áfrýj­un­ar­frest­ur í einka­mál­um til Hæsta­rétt­ar er fjór­ar vik­ur og renn­ur frest­ur­inn út 2. nóvember.

Rök­semd­ir Glitn­is HoldCo fyr­ir því að lög­bannið verði staðfest eru þær að fjöl­miðlarn­ir hafi lýst því yfir að ekki væri búið að birta all­ar frétt­ir úr gögn­un­um sem þeir hefðu viljað þegar lög­bannið var sett á. Þá fari birt­ing gagn­anna gegn ákvæðum laga um per­sónu­vernd og meðferð per­sónu­upp­lýs­inga og frek­ari birt­ing geti leitt til mögu­legr­ar skaðabóta­skyldu fé­lags­ins.

Stutt var til alþing­is­kosn­inga er sýslumaður staðfesti lög­banns­kröf­una, en um­fjöll­un Stund­ar­inn­ar og Reykja­vík Media hafði að miklu leyti snú­ist um viðskipti Bjarna Bene­dikts­son­ar, for­manns Sjálf­stæðis­flokks­ins, við Glitni í aðdrag­anda hruns ís­lenska fjár­mála­kerf­is­ins haustið 2008.