Konur með sítt hár eru ekki þær einu sem þurfa að huga að hárgreiðslu og -skrauti fyrir jólin. Karlmenn með mikið skegg geta líka leikið sér með hár sitt þó svo að hárið á höfðinu sé ekki mikið. Á vefsíðunni Beardaments er hægt að finna jólavörur fyrir skeggið. 

Menn geta skreytt skegg sitt á skemmtilegan hátt. ljósmynd/beardaments.com

Er meðal annars boðið upp á litlar jólakúlur til þess að hengja í skeggið. Ódýari kúlurnar líkjast þeim sem hengdar eru á jólatré, bara minni. Þær dýrari eru hins vegar með perum í svo hægt er að lýsa upp skeggið. Einnig er hægt að kaupa glimmer í hinum ýmsu litum til þess að skreyta skeggið með.