Fólk er rétt að klára bolludaginn þegar árshátíðavertíðin skellur á. Það er þó engin ástæða til að fara í einhverja hundleiðinlega megrun ef marka má Modern Family-leikkonuna Söruh Hyland. 

Hyland mætti í stærsta partý Hollywood eftir Óskarsverðlaunin í fallegum bleikum kjól frá Zac Posen. Það sem sást ekki jafn vel var klæðnaðurinn sem Hyland sem var í undir kjólnum. Hyland var nefnilega ekki bara í einum aðhaldsnærbuxum heldur tvennum eins og hún sagði sjálf frá á Instagram. 

„Sturluð staðreynd ég er í tvennum aðhaldsnærbuxum. Af hverju að fara í megrun? Þegar þú getur bara falið það!“ skrifaði Hyland. 

Kannski er málið ekki endilega að fá sér bara nýjan kjól fyrir árshátíðina, kannski eru nýjar aðhaldsbrækur bara málið? Eða tvennar eins og í tilviki Hyland. 

Sarah Hyland í aðhaldsbrókum undir kjólnum sínum. mbl.is/AFP