Baldur Rafn Gylfason hárgreiðslumeistari og eigandi bpro gerði föstudagsgreiðsluna á Hugrúnu Birtu Egilsdóttur sem keppir í Miss Universe í ár. Hann notaði járnið ROD 10 frá HH Simonsen til að búa til þessa stemningu í hárið. ROD 10 er keila með kúlum sem gerir krullurnar enn þá villtari og misjafnari. 

Baldur segir að það þurfi ekki endilega að vanda sig neitt sérstaklega mikið þegar járnið er notað heldur skiptir máli að æfa sig svolítið. Ekki prófa það í fyrsta skipti þegar fólk er að fara í fín boð. 

Áður en hann krullaði hárið á Hugrúnu blés hann á henni hárið til að fá meiri lyftingu í rótina og fallegri áferð. 

Hér í innslaginu sést nákvæmlega hvernig hann bar sig að.