Þetta er þægileg leið til þess að sleppa við að kaupa annan bíl inn á heimilið og vonandi  jafnvel á endanum fækka fólksbílum umtalsvert þegar aðrir farmátar sinna samgönguþörfum okkar, svo er þetta líka svo óskaplega skemmtilegt. Vinsældir rafhjóla hafa verið miklar og hefur sala á þeim aukist um helming á síðustu tveimur árum á stærstu mörkuðum í Evrópu og virðist ekkert lát vera á vinsældum þeirra. Ný tegund rafhjóla hefur nú litið dagsins ljós á Íslandi en þar er um að ræða dönsku Mate hjólin en þau búa yfir þeim kosti að vera samanbrjótanleg og fer þannig minna fyrir þeim en hefðbundnum hjólum.

Mate hjólin hafa þann kost að vera samanbrjótanleg. mbl.is/Ellingsen

Hjólið virkar þannig að það nemur hversu fast stigið er á pedalana og stýrir þannig aflinu sem mótorinn gefur frá sér, þegar hjólið nær 25 km hraða hættir mótorinn að gefa aukinn stuðning. Einnig er hægt að stilla hversu mikinn auka kraft hjólið gefur frá sér, brekkur og mótvindur eru oft partur af því að hjóla til líkamshreyfingar en fyrir þá sem vilja bara komast frá A-B er þetta frábær leið til þess að komast á leiðarenda án þess að vera sveittur í gegn.