Reynisfjara | 23. ágúst 2019
Austasti hluti Reynisfjöru áfram lokaður
Austasti hluti Reynisfjöru verður áfram lokaður þar sem enn er hætta á berghruni úr suðurhlíð Reynisfjalls. Þetta var ákveðið á fundi fulltrúa frá lögreglunni á Suðurlandi, rekstraraðilum í Svörtu-Fjöru, hluta landeigenda í Reynisfjöru, sveitarstjóra Mýrdalshrepps og fulltrúum Veðurstofunnar og Vegagerðarinnar.
Austasti hluti Reynisfjöru áfram lokaður
Reynisfjara | 23. ágúst 2019
Setja bókamerki
Austasti hluti Reynisfjöru verður áfram lokaður þar sem enn er hætta á berghruni úr suðurhlíð Reynisfjalls. Þetta var ákveðið á fundi fulltrúa frá lögreglunni á Suðurlandi, rekstraraðilum í Svörtu-Fjöru, hluta landeigenda í Reynisfjöru, sveitarstjóra Mýrdalshrepps og fulltrúum Veðurstofunnar og Vegagerðarinnar.
Austasti hluti Reynisfjöru verður áfram lokaður þar sem enn er hætta á berghruni úr suðurhlíð Reynisfjalls. Þetta var ákveðið á fundi fulltrúa frá lögreglunni á Suðurlandi, rekstraraðilum í Svörtu-Fjöru, hluta landeigenda í Reynisfjöru, sveitarstjóra Mýrdalshrepps og fulltrúum Veðurstofunnar og Vegagerðarinnar.
Fjaran hefur verið lokuð síðan á þriðjudag þegar stór skriða féll í Reynisfjöru úr Reynisfjalli.
Svæðið verður áfram vaktað og lokunarborðum komið upp, en lögreglan hefur þurft að setja upp nýja borða daglega þar sem sjórinn eyðileggur hluta borðanna á næturna. Þá verður farið í vinnu við uppfærslu og samræmingu aðvörunarskilta sem standa við göngustíginn sem liggur niður í fjöruna.
Samkvæmt gögnum frá Veðurstofu Íslands er enn þá hætta á berghruni úr suðurhlið Reynisfjalls.
Fyrir fundinn var vonast til að tekin yrði ákvörðun um endanlega ráðstöfun um merkingu svæðisins. Það gekk ekki eftir en unnið verður að útfærslu á frekari lausn á lokun á þessum hluta fjörunnar, að því er fram kemur í tilkynningu á Facebook-síðu lögreglunnar á Suðurlandi.
