Talsvert þurfti að hafa fyrir humarveiðum í sumar þó að aflaheimildir hafi verið í sögulegu lágmarki og gefa rannsóknir ekki fyrirheit um bjartsýni um að humarstofninn við landið sé að rétta úr kútnum.

Jónas Páll Jónasson, fiskifræðingur hjá Hafrannsóknastofnun, segir að niðurstöður rannsókna og aflaráðgjöf fyrir næsta ár verði væntanlega kynntar fyrir áramót. Unnið sé að úrvinnslu gagna frá sumrinu.

Rannsóknir hafa sýnt að nýliðunarbrestur var frá 2005 til 2014. Engar vísbendingar hafi komið fram um breytingar, að því er fram kemur í fréttaskýringu um humarveiðarnar í Morgunblaðinu í dag.