Uppskriftir | 3. október 2019

Beikon lasagna sem er löðrandi í osti

Ókey - þetta er formlega subbulegasta en um girnilegasta uppskrift sem við höfum rekist á lengi.

Beikon lasagna sem er löðrandi í osti

Uppskriftir | 3. október 2019

mbl.is/Hormel

Ókey - þetta er formlega subbulegasta en um girnilegasta uppskrift sem við höfum rekist á lengi.

Ókey - þetta er formlega subbulegasta en um leið girnilegasta uppskrift sem við höfum rekist á lengi. Hún á rætur sínar að rekja til Bandaríkjanna og engan skyldi undra. Hér sameinast máttarstólpar subbumataræðis í einni sjóðheitri uppskrift enda ekki á hverjum degi sem hægt er að segja: stökkt beikon, löðrandi ostur og sjóðheitt lasagna í einni setningu. Beikonið verður reyndar ekki stökkt en það er aukaatriði.

<strong>Beikon lasagna sem er löðrandi í osti</strong> <ul> <li>600 g beikon</li> <li>450 g kjúklingabringur frá Ali</li> <li>1 laukur, saxaður</li> <li>1 dós af niðursoðinni tómatsósu</li> <li>1 dós niðursoðnir tómatar, vökvanum hellt af og tómatarnir saxaðir niður</li> <li>Lasagna plötur eins og þarf (fer eftir stærð formsins en við miðum við tvö lög)</li> <li>600 g af rifnum osti (fjórir bollar)</li> </ul>

Aðferð:

Hitið ofninn í 180°C. Steikið beikonið, hellið fitunni af. Takið tólf sneiðar til hliðar og saxið afganginn niður.
Steikið kjúklinginn á pönnu uns hann er steiktur í gegn. Blandið saxaða beikoninu saman við, tómatsósunni og söxuðu tómötunum. Blandið vel saman og látið malla á pönnunni.
Setjið eina til tvær ausur af kjúklingablöndunni í eldfast mót. Setjið lasagna plötur yfir, því næst þriðjunginn af kjúklingablöndunni sem eftir er, síðan þriðjung ostsins og síðan helminginn af beikonsneiðunum. Því næst lasagnaplötur - kjúklingablöndu - ost og beikon.
Setjið álpappír yfir og bakið í ofninum í 15 mínútur eða þar til osturinn er orðinn vel bráðnaður.
Borðið með bros á vör og passið ykkur að falla ekki í yfirlið.