Sjálfstæð Katalónía? | 15. október 2019
Áfram mótmælt í Katalóníu
Tugir þúsunda sjálfstæðissinnaðra Katalóna hafa streymt á götur út í Barcelona annan daginn í röð til þess að mótmæla fangelsisdómum leiðtoga aðskilnaðarsinna.
Áfram mótmælt í Katalóníu
Sjálfstæð Katalónía? | 15. október 2019
Setja bókamerki
Tugir þúsunda sjálfstæðissinnaðra Katalóna hafa streymt á götur út í Barcelona annan daginn í röð til þess að mótmæla fangelsisdómum leiðtoga aðskilnaðarsinna.
Tugir þúsunda sjálfstæðissinnaðra Katalóna hafa streymt á götur út í Barcelona annan daginn í röð til þess að mótmæla fangelsisdómum leiðtoga aðskilnaðarsinna.
Á annað hundrað slösuðust í mótmælunum í gær, þar af fjöldi lögreglumanna, en í mótmælum dagsins hafa átökin haldið áfram, eldar verið kveiktir og mótmælendur hafa reynt að ryðja sér leið inn á skrifstofur yfirvalda.
Spænsk yfirvöld segjast nú hafa til rannsóknar hverjir standi að skipulagningu mótmælanna.
Hæstiréttur Spánar dæmdi á mánudag níu leiðtoga sjálfstæðissinna í Katalóníu til áralangrar fangelsisvistar. Þyngsti dómurinn hljóðar upp á 13 ár en sá sem styst þarf að sitja inni verður þar þó í níu ár. Þá hefur handtökuskipun verið gefin út vegna Carles Puigdemont, fyrrverandi forseta Katalóníuhéraðs.
