Leikkonan Jennifer Aniston var mjög ánægð með vinkonu sína Reese Witherspoon þegar hún reddaði þeim kampavíni á Golden Globe-hátíðinni. Aniston segir í sögu á Instagram að vatnið á borðinu þeirra hafi klárast en Witherspoon dó þá ekki ráðalaus og reddaði kampavíni. 

Vatnið sem kláraðist var frá íslenska vatnsframleiðandanum Icelandic Glacial. Var vatn frá framleiðandanum á borðum stjarnanna á hátíðinni auk þess sem stjörnurnar fengu íslenskt vatn á rauða dreglinum. 

Leikkonurnar Aniston og Witherspoon kunnu greinilega vel að meta vatnið, svo vel að það kláraðist. Þegar það gerðist bað Witherspoon Beyoncé og Jay-Z um kampavínið þeirra sem stjörnuhjónin gáfu þeim eins og sást á samfélagsmiðlum þeirra Aniston og Witherspoon. Mögulega hafa Beyoncé og Jay-Z bara haldið sig í íslenska vatninu. 

Frétt af mbl.is

Munu drekka íslenskt vatn á Golden Globe

Íslenska vatnið kláraðist. Skjáskot/Instagram