Ofurfyrirsætan Irina Shayk og leikarinn Bradley Cooper virðast eiga í góðu sambandi þrátt fyrir að hafa hætt saman síðasta sumar. Þau mættu bæði í sömu veisluna eftir að BAFTA-verðlaunin voru afhent í Lundúnum á sunnudaginn. 

Þau voru mynduð saman þegar inn var komið að því fram kemur á vef Daily Mail. Shayk birti myndir af sér í veislunni en hún var klædd í nærfatnað og netakjól yfir. Birti hún meðal annars myndir af sér með Riccardo Tisci, listrænum stjórnanda Burberry, sem og Edward Enninful, ritstjóra breska Vogue. 

Bradley Cooper og Irina Shayk. AFP

Saman eiga þau Cooper og Shayk þriggja ára gamla dóttur. Shayk var einmitt í viðtali við breska Vogue á dögunum þar sem hún talaði opinskátt um sambandsslit sín og Coopers. Þar sagði hún að þótt tvær frá­bær­ar mann­eskj­ur væru í sam­bandi þýddi það ekki að sam­bandið yrði frá­bært.

Frétt af mbl.is

Tjáir sig um sambandið við Bradley Cooper