Óskarsverðlaunin eru alltaf rúsínan í pylsuendanum á verðlaunahátíðatímabilinu. Flestir, ef ekki allir, leggja sig alla fram við að líta sem best út. Og sem betur fer tókst það hjá mörgum. 

Leikkonan Scarlett Johansson geislaði á rauða dreglinum þótt ekki hafi hún farið heim með verðlaun þrátt fyrir að vera tilnefnd í tveimur flokkum. Kjóllinn hennar er frá Oscar del a Renta og er gullfallegur. 

Margot Robbie var einnig einstaklega falleg þótt hún hafi verið í látlausum svörtum kjól. Hin unga Julia Butters stal senunni í of krúttlegum kjól. 

Það var eitthvað töff við kjól leikkonunnar Natalie Portman en á kjól hennar voru saumuð nöfn þeirra kvenna sem ekki voru tilnefndar sem leikstjórar á verðlaunahátíðinni í ár.

Umdeildasti kjóllinn á lista okkar er án efa kjóll Grey's Anatomy-stjörnunnar Söndru Oh. Það er mikið í gangi á kjólnum, púff ermar, púff pils og glimmer. Þetta er svona kjóll sem þú annaðhvort hatar eða elskar.

Frétt af mbl.is

Hildur í Chanel á Óskarnum

Þetta eru bestu kjólarnir á Óskarnum 2020 að mati Smartlands.

Okkar kona Hildur Guðnadóttir var í Chanel frá toppi til táar. AFP

Scarlett Johansson. AFP

Florence Pugh. AFP

Margot Robbie. AFP

Sandra Oh. AFP

Julia Butters. AFP

Janelle Monáe. AFP

Regina King. AFP

Natalie Portman. AFP