Sérfræðingur hjá sóttvarnastofnun Evrópu (ECDPC) segist ekki bjartsýnn á að Kínakappaksturinn í formúlu-1 geti farið fram. Útlit er fyrir að mótinu verði aflýst vegna útbreiðslu kórónuveirunnar.

Kappaksturinn er ráðgerður 17. apríl næstkomandi en Alþjóða akstursíþróttasambandið (FIA) segist muni „grípa til ráðstafana“ ef þörf krefur.

Veiran frá Wuhan hafði um helgina kostað 812 manns lífið. Öll dauðsföllin utan tvö áttu sér stað í Kína. Veiran hefur breiðst út til tugi landa, meðal annars í Evrópu. Þá hefur fjöld flugfélaga aflýst ferðum til og frá Kína til að hægja á útbreiðslunni.

Nýlega var innanhússheimsmeistaramótinu í frjálsíþróttum,  sem fara átti fram í Kína í marsmánuði, frestað til næsta árs.