Óskarsverðlaunahátíðin er yfirleitt hápunktur ársins þegar kemur að kjólum á rauða dreglinum. Ekki síðra er partíið sem Vanity Fair heldur eftir verðlaunahátíðina. Margir skipta um föt fyrir partíið og velja aðeins meiri „partífatnað“ þótt flestir kjólarnir hefðu sómt sér líka fyrr um kvöldið. 

Leikkonan Scarlett Johansson skipti um kjól og fór úr hlýralausum kjól yfir í kjól sem náði yfir aðra öxlina. Báðir kjólarnir eru gullfallegir og báðir frá Oscar de la Renta.

Leikkonan Gal Gadot skipti úr svörtum og bleikum blúndukjól yfir í svartan pallíettukjól. Írska leikkonan Caitriona Balfe skipti, sem betur fer, úr bleika og svarta kjólnum yfir í rauðan kjól. 

Grey's Anatomy-stjarnan Sandra Oh fór úr bleika púffkjólnum yfir í silfurglimmerkjól með fjaðrakraga. Hin 18 ára gamla Billie Eilish fór úr hvítri Chanel-dragt yfir í svarta.

Florence Pugh fór úr gullfallega græna kjólnum sínum og í gylltan kjól og Billy Porter skipti algjörlega um litapallettu.

Scarlett Johansson. Samsett mynd

Gal Gadot. Samsett mynd

Sandra Oh. Samsett mynd

Billie Eilish. Samsett mynd

Caitriona Balfe. Samsett mynd

Florence Pugh. Samsett mynd

Billy Porter. Samsett mynd