Strákarnir í Kaleo standa í stórræðum þessa dagana. Í gær var risastór Bandaríkjatúr kynntur og í gærkvöldi kom sveitin fram hjá Steven Colbert á CBS. Þar fluttu þeir „I Want More“, annað af nýju lögunum sem þeir gáfu út á dögunum og verða á væntanlegri breiðskífu sveitarinnar.

Frétt af mbl.is

Nýtt efni frá Kaleo

Bandaríkjatúrinn hefst í Portland í Oregon þar sem þeir koma fram á útitónleikum í Edgefield sem tekur um 5.000 tónleikagesti en það þykir afar eftirsóknarvert að ná að koma fram þar.

Frekari upplýsingar um tónleikaferðina sem nefnist „Fight or Flight Tour“ er að finna á vef sveitarinnar en síðustu tónleikarnir verða í San Francisco 16. október.