Leikarinn Brad Pitt er ekki í sambandi með huldukonunni sem hann sást með á tónleikum um helgina í Los Angeles í Bandaríkjunum.

Frétt af mbl.is

Pitt úti á lífinu með huldukonu

Samkvæmt heimildum TMZ er huldukonan engin önnur en leikkonan Alia Shawkat sem hefur meðal annars farið með hlutverk í Arrested Development. Þau eru að sögn heimildarmanna TMZ góðir vinir og fara reglulega saman á tónleika, uppistand, söfn og listsýningar. 

Heimildir þeirra herma einnig að Pitt sé ekki að leita sér að lífsförunaut og hafi ekki farið á stefnumót á síðustu misserum.

Pitt hefur verið í meiri samskiptum við börn sín á síðustu mánuðum og því fer öll hans athygli í að sinna þeim.