Landsréttur | 27. mars 2020
Viðurkenning bótakröfu niðurfelld og bætur lækkaðar
Landsréttur lækkaði í dag bætur sem íslenska ríkinu var gert að greiða til Jóns Höskuldssonar héraðsdómara vegna ákvörðunar dómsmálaráðherra að líta fram hjá honum þegar skipað var í embætti dómara við Landsrétt. Þá snéri Landsréttur við niðurstöðu héraðsdóms um að viðurkennd væri bótaskylda ríkisins í sambærilegu máli Eiríks Jónssonar lagaprófessors, en hann hafði einnig sótt um embætti dómara við Landsrétt.
Viðurkenning bótakröfu niðurfelld og bætur lækkaðar
Landsréttur | 27. mars 2020
Setja bókamerki
Landsréttur lækkaði í dag bætur sem íslenska ríkinu var gert að greiða til Jóns Höskuldssonar héraðsdómara vegna ákvörðunar dómsmálaráðherra að líta fram hjá honum þegar skipað var í embætti dómara við Landsrétt. Þá snéri Landsréttur við niðurstöðu héraðsdóms um að viðurkennd væri bótaskylda ríkisins í sambærilegu máli Eiríks Jónssonar lagaprófessors, en hann hafði einnig sótt um embætti dómara við Landsrétt.
Landsréttur lækkaði í dag bætur sem íslenska ríkinu var gert að greiða til Jóns Höskuldssonar héraðsdómara vegna ákvörðunar dómsmálaráðherra að líta fram hjá honum þegar skipað var í embætti dómara við Landsrétt. Þá snéri Landsréttur við niðurstöðu héraðsdóms um að viðurkennd væri bótaskylda ríkisins í sambærilegu máli Eiríks Jónssonar lagaprófessors, en hann hafði einnig sótt um embætti dómara við Landsrétt.
Dómur í málinu féll klukkan tvö í dag.
Höfðu bæði Jón og Eiríkur verið á lista matsnefndar um 15 hæfustu umsækjendurna. Sigríður Á. Andersen dómsmálaráðherra ákvað hins vegar að víkja frá niðurstöðu matsnefndarinnar um hæfi dómara og gekk framhjá fjórum af þeim 15 sem nefndin mat hæfasta.
Héraðsdómur hafði dæmt ríkið til að greiða Jóni 4 milljónir í skaðabætur og 1,1 milljón í miskabætur, en Landsréttur staðfesti aðeins að greiða ætti 1,1 milljón í miskabætur. Þá var ríkið einnig dæmt til að greiða Jóni tvær milljónir í málskostnað.
Í máli Eiríks fór hann ekki fram á bætur, heldur að viðurkennd yrði skaðabótaskylda vegna skipunarinnar. Landsréttur sýknaði sem fyrr segir ríkið af þeirri kröfu.
Í dóminum sátu þau Árni Vilhjálmsson lögmaður, Ragnheiður Thorlacius héraðsdómari og Þórður S. Gunnarsson, fyrrverandi héraðsdómari. Árni skilaði í báðum málunum sératkvæði. Í máli Eiríks taldi hann að viðurkennda ætti bótaskyldu vegna fjártjóns. Í máli Jóns segist Árni sammála niðurstöðunni að greiða beri hærri miskabætur en ákveðnar voru í fyrri skaðabótamálum umsækjenda sem fóru fyrir Hæstarétt. Hann sé hins vegar ósammála niðurstöðu meirihlutans að sýkna ríkið af kröfu Jóns um bætur vegna fjártjóns og að staðfesta hefði átt dóm héraðsdóms.
Hæstiréttur hafði áður komist að því að ekki hefði verið farið að ákvæðum laga um dómstóla við skipunina, en í máli Ástráðs Harldssonar og Jóhannesar Rúnars Jóhannssonar var niðurstaðan sú að Sigríður Andersen, þáverandi dómsmálaráðherra, hafi gengið framhjá þeim tveimur án þess að gera sjálfstætt mat á hæfi þeirra. Viðurkenndi Hæstiréttur ekki skaðabótakröfu Ástráðs og Jóhannesar, en dæmdi ríkið til að greiða þeim 700 þúsund í miskabætur hvorum.
Bæði Eiríkur og Jón sóttu síðar aftur um embætti dómara við Landsrétt. Var Eiríkur í fyrra skipaður dómari við réttinn.
