Hárgreiðslustofur á Íslandi neyddust til að skella í lás á mánudaginn. Ekki er víst hvort að undarleg tækni sem hárgreiðslukona í Hollandi notaði á dögunum hefði komið í veg fyrir að loka þyrfti hárgreiðslustofum á Íslandi. 

Myndband af hárgreiðslukonunni fór á flug á netinu og hefur verið deilt fjölda mörgum sinnum á Facebook. Ástæðan er sú að hárgreiðslukonan notar heimatilbúinn varnarskjöld til þess að verjast kórónuveirunni. Varnarskjöldurinn er gerður úr regnhlíf en búið er að klippa göt fyrir hendur og augu svo að hárgreiðslukonan geti athafnað sig.

Ekki fylgir sögunni hvernig hárgreiðslutíminn gekk. 

Samsett mynd