Það eru margar farnar að sakna þess mikið að komast ekki á snyrtistofu enda fjölmargar sem fara á sex vikna fresti í litun og plokkun. Ef augabrúnirnar eru orðnar litlausar og án allra forma getur þú reddað þér með nokkrum einföldum ráðum. Í þessu samkomubanni hef ég aðallega notað tvær týpur af augnblýöntum sem mig langar að sýna ykkur. Báðir eru þessir litir góðir til síns brúks þótt virknin sé ólík. Þeir eiga það þó sameiginlegt að ramma inn augnsvæðið og gefa meiri svip. 

Blýanturinn frá Max Factor Real Brow Fill & Shape er auðveldur í notkun.

Á dögunum komst ég yfir blýantinn frá Max Factor sem heitir Real Brow Fill & Shape. Hann er mjög einfaldur í notkun og kemur í nokkrum litum. Öðru megin er blýantur og hinu megin er bursti þannig að auðvelt er að vinna blýantinn þegar hann er kominn í augabrúnirnar. 

Augabrúnalitur lötu konunnar! 

Svo er það nýi liturinn frá Urban Decay sem kallast Inked Brow. Um er að ræða blautan lit sem þornar í hárunum á 30-40 sekúndum. Þegar liturinn þornar helst hann á í allt að þrjá sólarhringa ef hann er ekki þrifinn sérstaklega í burtu með olíu. 

Inked Brow frá Urban Decay er blautur litur í augabrúnirnar.

Svona lítur augabrún út fyrir lit frá Urban Decay.

Hér er búið að móta augabrúnirnar með litnum frá Urban Decay.

Liturinn Brunette Betty hentar þeim sem eru með frekar dökkar augabrúnir en vilja meiri fyllingu í þær. Gott er að hafa eyrnapinna við höndina á meðan fólk er að æfa sig svo hægt sé að leiðrétta ef eitthvað fer úrskeiðis.

Ef þú vilt bara smá lit þá er líka hægt að teikna hár með burstanum þar sem þér finnst þurfa í brúnina. Gott er að setja í efsta punkt augabrúnarinnar og fremst þar sem oft er fallegt að teikna nokkur hár inn í til að fylla upp í.

Þegar liturinn er kominn í er gott að leyfa honum að þorna í eina til tvær mínútur og greiða svo aðeins í gegn með augabrúnagreiðu. Þannig er að hægt að ná umframlitnum í burtu. Svo er mjög gott að setja glært augabrúnagel yfir til að ýfa hárin aðeins upp. 

Ég prófaði litinn á Instagram á dögunum og má hér sjá hvað hann er auðveldur í notkun.