Til er sú sósa sem þykir svo góð að skammt­ar af henni eru seld­ir á fúlg­ur fjár og heyrst hef­ur af mönn­um keyra lands­hluta á milli til að verða sér út um smá slettu af henni. Sósa þessi kem­ur frá mat­reiðslu­mann­in­um Völ­undi Snæ Völ­und­ar­syni og er af­brigði af sósu sem gekk manna á milli í Chicago seint á síðustu öld.

Það tek­ur tölu­verðan tíma að sjóða sós­una en út­kom­an er vel þess virði. Marg­ar sög­ur tengj­ast þess­ari goðsagn­ar­kenndu sósu og ein­hverju sinni á Bahama-eyj­um varð allt vit­laust og bý­flug­ur reyndu að brjóta sér leið inn í eld­húsið þar sem verið var að sjóða sós­una, svo in­dæll var ilm­ur­inn. Það hef­ur þó ekki gerst hér á landi og því ör­uggt að sjóða hana í ís­lenskri sveit.