Sunneva Eir Einarsdóttir áhrifavaldur heldur úti hlaðvarpinu, Teboðið, ásamt æskuvinkonu sinni, Birtu Líf Ólafsdóttur. Hlaðvarpsþátturinn hefur notið mikilla vinsælda og var megin markmiðið að tala um stjörnurnar í Hollywood.

Í síðasta þætti bar þó aldeilis til tíðinda þegar Birta Líf tilkynnti að hún væri ólétt en hún á í ástarsambandi við Gunnar Patrik Sigurðsson. 

Eins og alþjóð veit er Sunneva Eir kærasta Benedikts Bjarnasonar sem er nemi og sonur fjármálaráðherrans, Bjarna Benediktssonar og eiginkonu hans, Þóru Margréti Baldvinsdóttur. 

„Ég á lítið kórónubarn sem kemur í apríl 2021,“ sagði Birta Líf í hlaðvarpinu og játaði að hún hefði ekki sagt mörgum það. Nú vita það líklega örlítið fleiri.

Hægt er að hlusta á þáttinn í heild sinni á hlaðvarpsvef mbl.is.