Sigvaldi Kaldalóns eða Svali eins og hann er kallaður er kominn til Tenerife eftir að hafa verið á Íslandi síðan í byrjun sumars. Svali og fjölskylda fluttu út fyrir rúmlega tveimur árum en neyddust til að koma heim vegna kórónuveirunnar. 

Svali rekur fyrirtækið Tenerife-ferðir og er nú kominn aftur á sólríku eyjuna við Afríkustrendur þar sem hann ætlar að dvelja á næstunni. Eiginkona hans og börn eru áfram á Íslandi og fara ekki út fyrr en ástandið lagast. 

Svali greindi frá því á Snapchat að það væri alveg stórkostlegt að vera kominn aftur út. Að geta loksins borið á sig sólarolíu og notið lífsins innan um pálmatré væri bara lífið. 

Hægt er að fylgjast með honum á Snapchat á slóðinni svalik.