Fyr­ir­sæt­an Nicole Potur­alski sást með eiginmanni sínum um helgina í fyrsta sinn síðan ástarsamband hennar og leikarans Brads Pitts komst í fréttir í sumar. Hin 27 ára gamla Poturalski er gift barnsföður sínum, Roland Mary, sem er 68 ára, en þau eru sögð í opnu hjónabandi. 

Myndir af fyrirsætunni og þýska veitingahúsaeigandanum birtust á vef Daily Mail. Þau voru stödd á veitingastað Mary í Berlín þegar myndirnar voru teknar. 

Samband Pitts og Potur­alski komst fyrst í kastljós fjölmiðla þegar þau fóru saman í frí til Frakklands í lok ágúst. Parið sást þó fyrst saman í nóvember í fyrra. Eiginmaður Potur­alski er ekki sagður öfundsjúkur út í samband eiginkonu sinnar við Hollywood-stjörnuna. Sjálfur hefur hann verið giftur fjórum sinnum og á fimm börn. 

Frétt af mbl.is

Hver er nýja konan í lífi Brads Pitts?