Heimildarmyndin American Factory er til umfjöllunar í nýjasta þætti kvikmyndahlaðvarpsins BÍÓ en hún hlaut Óskarsverðlaun í ár sem besta heimildarmyndin í fullri lengd. Í henni segir af glerverksmiðju kínversks auðmanns í Ohio og er gestur þáttarins heimildarmyndahöfundurinn Karna Sigurðardóttir sem situr í stjórn heimildarmyndahátíðarinnar Skjaldborgar. 

Í myndinni má sjá hvernig ólíkir menningarheimar Kína og Bandaríkjanna mætast í verksmiðjunni og einnig í höfuðstöðvum fyrirtækisins í Kína. Þó eiga þjóðirnar sitthvað sameiginlegt, eins og sjá má í myndinni þótt vinnustaðamenningin sé ólík.