Áhrifavaldurinn Brynjar Steinn Gylfason, betur þekktur sem Binni Glee, var gestur Sunnevu Einarsdóttur og Birtu Lífar Ólafsdóttur í 27. þætti af Teboðinu. Í þættinum ræða þau uppljóstrara eða „snitches“ á ensku. 

Binni sjálfur hefur lent í því að minnsta kosti tvisvar að viðkvæmu myndbandi sem hann sendi á takmarkaðan hóp vina sinna hefur verið lekið á netið. Hann segist ekki enn vita hver hafi dreift myndbandinu en hann hafi minnkað þennan nána vinahóp á Instagram. 

„Núna passa ég mig geðveikt mikið á hvað ég er að fara setja í story af því ég nenni þessu ekki. Líka skilurðu við vorum að taka upp Æði 2 þegar myndbandinu var lekið, þennan dag var ég bara „ohh aftur þetta“. Þetta fokkar alveg upp í manni,“ segir Binni.

„Og maður verður fyrst alveg bara geðveikt „sad“ skilurðu, og svo var ég bara „own it up“ skilurðu, mér er alveg sama og setti í story og bara „explain now“ og vildi ekkert vera að fela þetta og skammast mín.“

Frétt af mbl.is

Viðkvæmt myndband af Binna Glee fór í dreifingu

Binni rifjaði líka upp atvik frá 2017 þar sem myndbandi af honum var lekið. Myndbandinu var lekið á YouTube og var þar í níu mánuði án hans vitneskju. Hann komst að því hver hefði dreift því myndbandi og er ekki í sambandi við hana í dag.

„Hún sá alveg eftir þessu, ég hata hana ekkert í dag,“ sagði Binni. 

Hægt er að hlusta á þáttinn á hlaðvarpsvef mbl.is.