Á dimmasta tíma árins getur verið upplífgandi að bera á sig brúnkukrem. Baldur Rafn Gylfason hárgreiðslumeistari og eigandi bpro gefur lesendum góð ráð. 

1. Djúphreinsaðu húðina og notaðu olíulaust rakakrem áður en þú berð á þig brúnku.

2. Ekki bera brúnku á þig með berum höndum. Notaðu sérstakan hanska eða bursta til að fá jafna og fallega áferð.

3. Ekki ofnota sápu, sítrónu eða önnur húsráð til að hreinsa brúnku. Notaðu „exfoliating“-hanska eða djúphreinsi sem hreinsar húðina og gerir hana silkimjúka.

4. Þvoðu hanskann reglulega. Örtrefjahanskann frá Marc Inbane má þvo á 30°C.

5. Mundu eftir stöðum sem gleymast auðveldlega eins og á bak við eyru og aftan á hálsi.