Gauti Sigurðarson, fyrrverandi sambýlismaður tónlistarkonunnar Svölu Björgvinsdóttur, er búinn að skrá sig í samband. Sú heppna heitir Brynja Lísa Þórisdóttir og er söngkona og tónlistarkona. Margir óska parinu til hamingju með ástina og þar á meðal Svala. 

Gauti og Brynja skráðu sig í samband í lok janúar og hafa birt nokkrar myndir af sér á samfélagsmiðlum síðan þá. „Æ sætu,“ skrifar Svala við eina mynd. „Til lukku með ykkur og ástina.“ 

Svala Björgvinsdóttir óskaði fyrrverandi kærasta sínum og nýrri kærustu hans til hamingju með ástina. Skjáskot/Instagram

Svala og Gauti hættu saman í fyrra en stuttu seinna fann Svala ástina aftur þegar hún kynntist Kristján Einari Sigurbjörnssyni, þau trúlofuðu sig í desember. Kristján lækar fallega athugasemd Svölu. Brynja tekur einnig vel í hana og svarar Svölu: „Takk elsku fallega og sömuleiðis.“