Uppskriftir | 19. mars 2021

Indverskur kjúklingaréttur sem gulltryggir helgina

Hér er uppskrift að indverskum kjúklingarétti sem tikkar í flest box. Það sem gerir hann enn betri er að hann er ketó en auðvitað getur kolvetnafólkið fengið sér hefðbundin hrísgrjón með.

Indverskur kjúklingaréttur sem gulltryggir helgina

Uppskriftir | 19. mars 2021

Ljósmynd/Hanna Þóra

Það er Hanna Þóra sem á heiðurinn að þessari uppskrift og hún mælir með blómkálshrísgrjónum eða BareNaked hrísgrjónum.

Marinering fyrir kjúklinginn

700 g úrbeinuð kjúklingalæri
2/3 dós sýrður rjómi 36%
2 msk. garam marsala krydd
1 msk. hvítlauksduft
3 tsk. paprikukrydd

Sósa

1 stk. hakkaðir tómatar í dós
1 msk. hvítlauksduft
1 msk. garam marsalsa krydd
2 tsk. paprikudrydd
1/3 dós Sýrður rjómi 36%

Aðferð:

Útbúið marineringuna í stórri skál með því að blanda saman sýrða rjómanum, garam masala kryddinu, hvítlauksduftinu og papriku kryddinu.
Skerið kjúklinginn niður í bita og bætið útí marineringuna. Gott er að marinera kjúklinginn í að lágmarki 30 mínútur en það er gott að gera þetta tímanlega og geyma í ísskáp jafnvel yfir nótt.
Steikið kjúklinginn á pönnu með olíu í 3-4 mínútur. Bætið niðursoðnu tómötunum útí ásamt kryddinu og restinni af sýrða rjómanum.
Styrkleiki svona rétt er alltaf smekksatriði en það má alltaf smakka til þegar kjúklingurinn er fulleldaður.
36% sýrður rjómi er sá feitasti sem er í boði á markaðnum. Einstaklega góður og frábær í ýmsa rétti.
Ég ber kjúklinginn fram með blómkálshrísgrjónum sem fást frosin í öllum helstu matvöruverslunum en best finnst mér að skella þeim í lítinn pott, látið sjóða í tvær mínútur og krydda létt með steinselju eða kóríander til að fá fallegan lit og gott bragð.