Áhrifavaldurinn og einkaþjálfarinn Sunneva Eir Einarsdóttir hvetur fylgjendur sína til að setja sér markmið næstu vikurnar á meðan það er lokað í líkamsræktarstöðvum. Í morgun tók hún góða heimaæfingu sem allir geta gert heima hjá sér eða utandyra. 

Sunneva hefur verið gríðarlega dugleg að hreyfa sig í öllum bylgjum faraldursins og sett inn hugmyndir að æfingum á Instagram-síðu sína sem hefur nýst fylgjendum hennar vel síðastliðið árið. 

Í morgun tók hún kraftmikla æfingu utandyra sem allir geta framkvæmt án þess að eiga nokkurn búnað. Þó er líka hægt að útfæra æfinguna með teygju eða léttum lóðum. 

Í upphitun mælir hún með fjórum umferðum af: 

• 20 sprellikarlar
• 20 mjaðmabeygjur (e. Good mornings)
• 20 uppsetur 
• 20 vindmyllur
• 20 afturstig

Aðalhluti æfingarinnar eru svo 5 umferðir, 50 endurtekningar í fyrstu, 40 í annarri, 30 í þeirri þriðju, 20 í fjórðu og 10 í fimmtu. 

• Hnébeygjur
• 90-90 magaæfingar
• Asnaspörk á vinstri 
• Asnaspörk á hægri 
• Snerta tærnar á upphækkun

Til að klára æfinguna mælir hún með 6 mínútum af stöðugri hreyfingu til dæmis hlaup, sprellikarla, háarhnélyftur eða sipp. 

Heimaæfing dagsins hjá Sunnevu Einarsdóttur. Skjáskot/Instagram