Yfirmenn hermála í 12 löndum, þar á meðal Bandaríkjunum, Bretlandi, Japan og Ástralíu, hafa fordæmt herforingjastjórnina í Mjanmar vegna ástandsins í landinu.

Frétt af mbl.is

Blóðugasti dagur mótmælanna í Mjanmar

Að minnsta kosti 107 voru drepnir í landinu í gær, þar á meðal sjö börn, eftir að öryggissveitir hófu skothríð á mótmælendur.

„Við hvetjum herforingjastjórnina í Mjanmar til að hætta að beita ofbeldi og reyna frekar að koma aftur á þeirri virðingu og þeim trúverðugleika sem hún hefur misst með aðgerðum sínum,“ sagði í sameiginlegri yfirlýsingu.

Einhverjir þeirra sem voru drepnir í gær voru jarðaðir í morgun en gærdagurinn var sá blóðugasti síðan mótmælin hófust. 

Að minnsta kosti 423 hafa verið drepnir síðan mótmælin hófust.

Guðlaugur Þór Þórðarson, utanríkis- og þróunarsamvinnuráðherra. mbl.is/Kristinn Magnússon

Guðlaugur Þór Þórðarson utanríkisráðherra gagnrýndi herforingjastjórnina jafnframt á twittersíðu sinni:

AFP