„Ég átti kvöldstund með Gwyneth Paltrow þarna einu sinni,“ segir Jóhannes Ásbjörnsson við Loga Bergmann og bætir við hann hafi gefið henni viskí og náð í hamborgara handa henni og börnunum hennar tveimur. „Hún var næs, sko.“

Í nýjasta þættinum af Með Loga lýsir Jói tímanum þegar þeir félagarnar ákváðu að koma á fót lúxushóteli í Reykjavík sem margir frægir og ríkir dvöldu á. 

Hann segir að þetta hafi verið lærdómsríkt ferli en ekkert sem þeir hafi haft mikla þekkingu á.  

„Á endanum komum við því í hendurnar á þeim sem kunnu til verka,“ segir Jói sem nú einbeitir sér alfarið að veitingabransanum. 

Þátturinn er framleiddur af Skot Productions og kemur í fullri lengd í Sjónvarp Símans Premium á fimmtudaginn. Hann verður einnig sýndur í opinni dagskrá þá um kvöldið kl. 20:00.