Fjölmiðlamaðurinn Sölvi Tryggvason hefur verið lagður inn á geðdeild. Lögmaður hans, Saga Ýrr Jónsdóttir, greindi frá þessu í viðtali í Bítinu í morgun. Tvær konur hafa tilkynnt Sölva til lögreglu vegna meintra ofbeldisbrota. 

Saga sagði málið vera komið í réttan farveg og að nú þegar kærurnar væru komnar fram gæti hann tekið til varna. 

Sögusagnir voru á kreiki síðustu helgi um að Sölvi hefði beitt konu ofbeldi. Á mánudag steig Sölvi fram og sagðist saklaus. Á þriðjudag birti hann svo viðtal við sjálfan sig með fulltingi lögmanns síns þar sem hann fór ofan í kjölinn á sögusögnunum.

Í gær lögðu konurnar svo fram kæru. Samfélagsmiðlar hafa logað undanfarna daga og segist lögmaður hans vera fegin því að hann sé kominn inn á geðdeild. 

„Hann er alveg búinn. Það er ekkert grín þegar kommentakerfið glóir ... þegar skilaboðin dynja [...] Þetta bara tekur á,“ sagði Saga. 

Frétt af mbl.is

Tvær konur stíga fram og saka Sölva um ofbeldi

Frétt af mbl.is

Segist hafa sannanir um meint brot Sölva