Á dögunum varð óskarsverðlaunaleikkonan Angelina Jolie 46 ára og í tilefni þess buðu börnin hennar mömmu óvænt út að borða á hinn vinsæla asíska veitingastað TAO í borg englanna. Leikkonan var glæsileg í gulum sumarlegum kjól og Christian Louboutin-hælum með Valentino-tösku eins og sjá má í frétt People.

Angelina Jolie er að ganga í gegnum erfiða forræðisdeilu við fyrrverandi eiginmann sinn Brad Pitt og því hefur þessi stund með börnum hennar verið kærkomin.

Frétt af mbl.is

„Mun aldrei fyrirgefa Pitt“

Fyrr á þessu ári fögnuðu börnin mæðradeginum með Jolie á sérstakan hátt. Ár eftir ár tekst börnunum hennar að koma henni á óvart með því að gera mæðradaginn einstakan fyrir hana og hún getur ekki hætt að hrósa þeim og segir: „Börnin mín hafa alltaf verið ótrúlega flott á mæðradaginn. Ég þarf ekki að hafa áhyggjur af neinu og þau vinna svo vel saman til að gera daginn sérstakan fyrir okkur öll.“