Agnes Björgvinsdóttir förðunarfræðingur ætlar að leggja áherslu á sólarvörn í sumar. Hennar uppáhaldsfarði þessa dagana er frá Chanel. 

Shiseido Expert Sun Protector

„Fyrst og fremst er það sólarvörn, ég hef verið að nota Expert-sólarvörnina frá Shiseido og finnst hún dásamleg. Ég elska hvað hún er létt og fer hratt inn í húðina og er fallegur grunnur fyrir allt sem kemur ofan á. Mér finnst líka mikill kostur að hún sé fyrir andlit og líkama þar sem ég ber alltaf sólarvörn niður á háls, bringu og hendur.“

Chanel Les Beiges Water-Fresh tint

„Svo er það vara frá Chanel sem ég elska og gríp alltaf í um leið og það er komin smá sól en það er Water Fresh Tint-farðinn. Þetta gefur svo fullkomna létta þekju og situr svo fallega á húðinni sem lítur út fyrir að vera smá sólkysst og ljómandi. Mér finnst best að nota hendurnar til að bera hann á til að fá sem náttúrulegustu áferðina.“

Shiseido Synchro Skin Self-Refreshing Concealer

„Ef það er ein vara sem ég gæti ekki verið án er það Synchro Skin Self-Refreshing-hyljarinn. Ég elska hvað hann er rakagefandi og mjúkur, sest ekkert í fínar línur, hylur vel og lýsir upp augnsvæðið á sama tíma. Hann gefur fallega náttúrulega áferð sem er fullkomið á sumrin.“